नेकपा एमालेको केन्द्रीय कमिटी बैठक १० घन्टादेखि लगातार चलिरहेको छ।
बैठकमा केन्द्रीय सदस्यहरूले धारणा राख्ने क्रम सकिएको छ र बैठक अन्तिम चरणमा प्रवेश गरेको छ।
पार्टीका एक केन्द्रीय सदस्यका अनुसार भूगोलको आधारमा प्रतिनिधित्व गर्ने इच्छा राखेका सदस्यहरूले आजको बैठकमा धारणा राखेका छन्। मंगलबार मात्र १३१ जना केन्द्रीय सदस्यले पार्टी विधान, नीति तथा समसामयिक विषयहरूमा आफ्ना विचार व्यक्त गरेका हुन्।
अब पार्टीका केन्द्रीय निकाय—अनुशासन आयोग, लेखा आयोग, निर्वाचन आयोग र सल्लाहकार परिषदका प्रमुखहरूले बोल्ने क्रम सुरू भएको छ। ती निकायका प्रमुखहरूले आ–आफ्नो पक्ष राखेपछि बैठक समापनको चरणमा प्रवेश गर्ने बताइएको छ।
पार्टी अध्यक्ष तथा प्रधानमन्त्री केपी शर्मा ओलीले बैठकका निष्कर्षहरू प्रस्तुत गर्दै समापन गर्ने तयारी भइरहेको एमालेका एक पदाधिकारीले जानकारी दिए।
सोमबारदेखि ललितपुर, च्यासलस्थित पार्टी मुख्यालयमा सुरू भएको केन्द्रीय कमिटी बैठक आजै सकिने जनाइएको छ।
-1753180535.jpeg)
-1746009348.jpg)
