प्रतिपक्षी दल राष्ट्रिय प्रजातन्त्र पार्टी (राप्रपा) सांसद रोशन कार्कीले राष्ट्रिय प्रजातन्त्र पार्टीका वरिष्ठ उपाध्यक्ष रवीन्द्र मिश्रलाई ४० दिनसम्म हिरासतमा राख्नु न्यायसंगत नभएको बताएकी छन्।
प्रतिनिधिसभाको आजको बैठकको विशेष समयमा उनले लामो समय हिरासतमा राखेर सरकारले राजनीतिक प्रतिशोध साँध्न खोजेको आरोप लगाएकी छन्।
'मिश्रलाई ४० दिनसम्म हिरासतमा राखिनु र रेशम चौधरीलाई बिना कारण पक्राउ गर्नु कहाँको न्याय हो ?, न्यायिक छानबिन गर्न माग गरिरहेका छौँ तर सुनुवाइ भइरहेको छैन,' उनले भनिन्।
प्रमुख सचेतक ज्ञानेन्द्र शाहीले पनि मिश्रलाई रिहा गर्न माग गरे।
तीनकुने घटनामा पक्राउ परेका मिश्रविरूद्ध राज्यविरूद्धको कसुरमा अनुसन्धान गर्न काठमाडौं जिल्ला अदालतले आइतबार छैटौंपटक पाँच दिनको म्याद थप गरेको छ।
प्रहरीले उक्त मुद्दामा अनुसन्धानका लागि ६० दिनसम्मको समय पाउँछ।
