राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनले राजसंस्था पुनर्स्थापनाको पक्षमा राप्रपा नेपालसँग सँगै रहेको बताएका छन्।
राप्रपा नेपालले सोमबार दिउँसो शान्तिबाटिकामा गरेको 'जनप्रदर्शन'मा बोल्दै अध्यक्ष लिङ्देनले लिङ्देनले अहिलेको मुद्दामा राप्रपा राप्रपा नेपालसँगै रहेको बताएका हुन्।
'मलाई धेरै कुरा भन्नुछैन। हामी सँगै छौं। सँगै काम गर्न र सबैसँग मिलेर काम गर्न राप्रपा तयार छ। त्यसमा कुनै द्विविधा नरहोस्,' उनले भने।
उनले राजसंस्था पुनर्स्थापनाको पक्षमा, हिन्दु राष्ट्र पुनस्थापना, संघीयता खारेजी र देशमा सुशासन र विकासको पक्षमा गरिने सबै प्रकारका कार्यक्रमहरूमा राप्रपाको ऐक्यबद्धता रहने बताए।
'हामी यी मान्यताहरू स्थापनाका लागि हुने सबै प्रकारको शान्तिपूर्ण कार्यक्रमहरूमा हामी साथमा हुन्छौं,' लिङ्देनले भने।
उनले मुलुक सबैभन्दा अप्ठ्यारो अवस्थामा रहेको दाबी गरे।
हाम्रो भविष्य, भावी सन्ततीको भविष्य समेत अन्योलग्रस्त बन्दै गएको छ। यस्तो बेला देशको अस्मिताको रक्षाका लागि सबै देशभक्त र राष्ट्रवादी शक्तिहरू एक ठाउँ आउन जरूरी छ,' उनले भने।
