राष्ट्रिय प्रजातन्त्र पार्टी नेपालले आयोजना गरेको कार्यक्रममा राष्ट्रिय प्रजातन्त्र पार्टीका अध्यक्ष राजेन्द्र लिङ्देन पनि सहभागी भएका छन्।
आस्थाका बन्दीहरू'लाई रिहा गर्न र धर्मनिरपेक्षता तथा गणतन्त्रको विरोधमा बन्देज लगाउने कानुन बनाउन पाइँदैन भन्दै राप्रपा नेपालले सोमबार दिउँसो शान्तिबाटिकामा 'जनप्रदर्शन' गरेको छ।
उक्त कार्यक्रममा राजसंस्था पुनर्स्थापनालगायत एजेन्डा लिएका विभिन्न दल तथा अभियानका नेताहरू पुगेका छन्।
राजसंस्था पुनर्स्थापनालगायत एजेन्डामा हुने कार्यक्रममा आफूहरू सहभागी हुने लिङ्देनले बताए।
लिङ्देन यसअघि 'संयुक्त जनआन्दोलन समिति' का संयोजक नवराज सुवेदी, जगमान गुरूङले आयोजना गरेको कार्यक्रममा भने गएका थिएनन्।
राप्रपा नेपालले गरेको कार्यक्रममा राप्रपा अध्यक्ष लिङ्देन, 'संयुक्त जनआन्दोलन समिति' का संयोजक नवराज सुवेदी, राष्ट्रिय शक्ति नेपालका अध्यक्ष केशरबहादुर विष्ट पनि पुगेका हुन्।
२०७८ पुसमा भएको राप्रपाको महाधिवेशनबाट लिङ्देन अध्यक्ष निर्वाचित भएपछि थापाले राप्रपा नै परित्याग गरेका थिए।
तर पछिल्लो चरण राप्रपा र राप्रपा नेपालबीच एकीकरणको लागि छलफलसमेत भए पनि एकीकरण प्रक्रिया अघि बढेको थिएन।
