राष्ट्रिय प्रजातन्त्र पार्टी (राप्रपा) का महामन्त्री धवल शम्शेर राणा उपचार गरेर भारतबाट फर्केपछि शान्तिबाटिकामा आयोजित कार्यक्रममा सहभागी भएका छन्।
आस्थाका बन्दीहरू'लाई रिहा गर्न र धर्मनिरपेक्षता तथा गणतन्त्रको विरोधमा बन्देज लगाउने कानुन बनाउन पाइँदैन भन्दै राप्रपा, राप्रपा नेपाल, 'संयुक्त जनआन्दोलन समिति' लगायतले सोमबार दिउँसो शान्तिबाटिकामा 'जनप्रदर्शन' गरेका छन्।
उक्त कार्यक्रममा राप्रपा महामन्त्रीसमेत रहेका 'संयुक्त जनआन्दोलन समिति' आन्दोलन परिचालन समितिका धवल शम्शेर राणा पनि सहभागी भएका हुन्।
राणालाई प्रहरीले चैत १५ गते तीनकुने क्षेत्रमा भएको हिंसात्मक घटनामा संलग्न रहेको आरोपमा पक्राउ गरी अदालतबाट अनुमति लिएर अनुसन्धान गरेको थियो।
उपचारका लागि समय माग गरेपछि प्रहरीले राणालाई हाजिरी जमानीमा छाडेको थियो। राणा वैशाख १० गते भारतको मुम्बई गएर वैशाख १४ गते स्वदेश फर्किएका थिए।
-1745830954.jpeg)
