प्रधानमन्त्री केपी शर्मा ओलीले नेपाली कांग्रेसका सभापति शेरबहादुर देउवा फर्किनेबित्तिकै सरकार ढल्ने जसरी भ्रम फैलाइएको बताएका छन्।्
शनिबार नेकपा (एमाले) संसदीय दलको बैठकमा उनले त्यस्तो बताएका हुन्।
‘हिजोसम्म आगै बाल्न खोजेका थिए। शेबहादुरजी फर्केर आउनेबित्तिकै सरकार ढल्छ भनेर, एयरपोर्टबाटै पो ढल्छ कि जस्तो पारेका थिए,’ उनले भने।
प्रधानमन्त्री ओलीले त्यस्ता तत्वहरूले फिजाएको भ्रमका पछाडि नलाग्न सांसदहरूलाई अनुरोध गरे।
कांग्रेस सभापति देउवा थाइल्याण्डबाट शुक्रबार काठमाडौं फर्किएका थिए।
काठमाडौं फर्केर पत्रकारले सरकारबारे प्रश्न गरेका थिए। उनले आफूलाई सरकार परिवर्तनबारे जानकारी नभएको टिप्पणी गरेका थिए।
प्रधानमन्त्री ओलीले देउवाको जबाफ सुनेपछि त्यसरी हल्ला फिजाउनेहरू पुर्पुरोमा हात राखेर थचक्क बसेको बताए।
