प्रतिनिधि सभा बैठक यही जेठ १ गते सम्मका लागि स्थगित गरिएको छ।
शुक्रबार दोस्रो पटक बसेको बैठकमा पनि नेपाली कांग्रेसले उपप्रधानमन्त्री तथा गृहमन्त्री रवि लामिछानेको सहकारी ठगी प्रकरण छानबिनका लागि संसदीय समिति गठन गर्नुपर्ने माग गर्दै उठेर नाराबाजी गरेपछि बैठक जेठ १ गते अपराह्न ६ बजे सम्मका लागि स्थगित गरिएको हो।
बैठकमा नेपाली कांग्रेसका सांसदहरूले सहकारी पीडितलाई न्याय दिन माग गर्दै सरकारविरूद्ध नाराबाजी गरेका थिए।
उनीहरूले उपप्रधानमन्त्री लामिछानेको सहकारी ठगीबारे संसदीय छानबिन समिति नबनेसम्म सदन चल्न नदिने चेतावनी समेत दिएका छन्।—न्युज एजेन्सी नेपाल
-ink-1715337919.jpeg)
