बझाङमा प्रदेश सभा क्षेत्र नम्बर १ (१) को मतगणना जारी छ।
यहाँ एमालेका दमन भण्डारीले सुरूवातदेखिको अग्रता कायम राखेका छन्।
छविसपाथिभेरा गाउँपालिकाका ७ वटै वडा र थलारा गाउँपालिका- ९ र खप्तडछान्ना गाउँपालिका २ र ३ मा मतगणना गर्दा एमालेका भण्डारीले २ हजार ६८१ मत पाएका छन्।
कांग्रेसका अभिषेक सिंह १ हजार ९७१ मत प्राप्त गर्दै दोस्रो स्थानमा छन् भने माओवादीका जनक बुढाले १ हजार ७२० मत पाएका छन्।
नेकपा एकीकृत समाजवादीका दिलबहादुर सिंहले ९५२ मत पाएका छन्।
२०७९ मा भएको निर्वाचनमा कांग्रेसका पृथ्वीबहादुर सिंहले १७ हजार एक सय १२ मत ल्याएर जितेका थिए भने यहाँ एमालेका उम्मेदवार अफिलाल ओखेडाले १३ हजार तीन सय ३६ मत ल्याएका थिए।
त्यसबेला यहाँ तत्कालीन सत्ता गठबन्धनबाट कांग्रेसका सिंह साझा उम्मेदवार थिए।