लोक गायक बद्री पंगेनी जुवाको खालबाट पक्राउ परेका छन् ।
मंगलबार राति काठमाडौंको बाँसबारी क्षेत्रबाट जुवा खेलिरहेका बेला गायक पंगेनीसहित ११ जना पक्राउ परेको महाराजगंज प्रहरीका डिएसपी गोबिन्द पुरीले सेतोपाटीलाई जानकारी दिए।
उनीहरुको साथबाट प्रहरीले २ लाख रुपैयाँ बरामद गरेको छ।
पक्राउ परेकाहरुलाई जिल्ला प्रशासन कार्यालय पठाएको पुरीले बताए। 'हिँजो निरमाया रोदी क्लबका मेरा भाईहरु पक्राउ परे भनेर बुझ्न गएको हुँ। म पक्राउ परेको होइन,' पंगेनीले सेतोपाटीसँग भने।
लोक गायक गायिकाहरुको संघमा समेत पंगेनी नेतृत्व तहमा छन् । उनले चुनावमा एमालेलाई भोट हाल्न उत्प्रेरित गर्दै गीत गाएका थिए।
