'ए मेरो हजुर २' को दोस्रो गीत सार्वजनिक भएको छ।
किनिदेउ न साइँला दाई बोलको गीत सार्वजनिक भएको हो। गीतमा मुख्य अभिनेत्री साम्राज्ञी लक्ष्मी शाह प्रस्तुत भएकी छन्। बसन्त सापकोटाको शब्द र संगीतमा बनेको गीतमा साधना सरगमको स्वर समावेश छ। गीतमा कविराज गहतराजको कोरियोग्राफी रहेको छ।
सिनेमामा साम्राज्ञीसंगै नवकलाकार सलिनमान बानियाँ, सलोन बस्नेत, अनुभव रेग्मी, बुद्धि तामाङ, अनुराग कुँवर, विल्सनविक्रम राई, सुमन पौडेल लगायतका कलाकारको अभिनय रहेको छ।
सुहाना इन्टरटेनमेन्टको प्रस्तुतीमा सुनिलकुमार थापा प्रोडक्सनबाट निर्माण भएको सिनेमालाई अभिनेत्री झरना थापाले पहिलो पटक निर्देशन गरेकी हुन्। सुनिलकुमार थापाको निर्माणमा बनेको सिनेमा भदौ १६ मा सार्वजनिक हुँदैछ।
