नेपाली कांग्रेसको नयाँ नेतृत्वका लागि मतदान सुरु भएको छ। साढे तीन घन्टा ढिलो गरी सुरु भएको मतदानमा आफ्नो मत हाल्न प्रधानमन्त्री एवं कांग्रेस सभापति शेरबहादुर देउवा महाधिवेशनस्थल आइपुगेका छन् ।
केही समयअघि उनी बालुवाटारबाट भृकुटीमण्डप आइपुगेका हुन्। देउवाले सुदूरपश्चिम प्रदेशको मतदान केन्द्रको बुथबाट मतदान गर्ने भएका छन् ।
देउवा सभापतिका प्रत्यासीसमेत हुन्। यसअघि नेता कुलबहादुर गुरूङले पहिलो मतदान गरेका थिए। अहिले मतदान गर्नेको लामो लाइन लागेको छ।
