नेपाल विद्युत प्राधिकरणले १० उद्योगलाई सर्वाधिक महत्त्वपूर्ण उपभोक्ताको सूची सार्वजनिक गरेको छ।
पछिल्लो वर्ष सबैभन्दा बढी विद्युत प्रयोग गरेको र नियमित महसुल बुझाएको आधारमा सर्वाधिक महत्त्वपूर्ण भनिएको प्राधिकरणले जनाएको छ।
वर्ष २०८१ मा सबैभन्दा बढी विद्युत प्रयोग गर्ने र नियमित महसुल बुझाउने उद्योगमा सर्वोत्तम स्टिल परेको छ।
प्राधिकरणले सार्वजनिक गरेको सूचनाअनुसार स्टिल उद्योगहरू सबैभन्दा बढी विद्युत प्रयोग गरेको देखिएको छ।
देशभरबाट सबैभन्दा धेरै विद्युत प्रयोग गर्ने र नियमित महसुल तिर्ने उद्योगहरूमा सर्वोत्तम स्टिल, विजय श्री स्टिल, गोयल स्पात, प्रिमियर स्टिल, श्री स्टिल रहेका छन्।
सबैभन्दा धेरै विद्युत खपत गर्ने उद्योगभित्र होङ्सी शिवम् सिमेन्ट, हुलास वायर, स्वस्तिक रोलिङ मिल र जगदम्बा वायर पनि रहेका छन्।
यी उद्योग देशभरबाट सबैभन्दा धेरै विद्युत खपत गर्ने हुन्।
यसबाहेक प्राधिकरणले हरेक प्रदेशमा धेरै खपत गर्ने उपभोक्ताको सूची पनि सार्वजनिक गरेको छ।
