एनपिएल (नेपाल प्रिमियर लिग)को दोस्रो संस्करणमा एनसेल आजियाताले ‘पावर्ड बाई’ साझेदारको रूपमा निरन्तरता दिएको छ।
‘युनाइटेड बाई क्रिकेट, कनेक्टेड बाई एनसेल’ भन्ने थीमसहित सहकार्य गर्दै कम्पनीले नेपाली क्रिकेटको विकासमा योगदान पुर्याउने प्रतिबद्धता जनाएको छ।
कीर्तिपुरस्थित त्रिभुवन विश्वविद्यालय क्रिकेट मैदानमा यही मंसिर १ गतेदेखि सुरु हुने एनपिएलमा देशका विभिन्न प्रदेश र अन्तर्राष्ट्रिय खेलाडी सहभागी हुनेछन्।
एनसेलका चीफ कन्जुमर बिजनेस अफिसर उपङ्ग दत्तका अनुसार, क्रिकेटले नेपालीहरूलाई एकतामा बाँध्ने खेल भएकाले यस महाउत्सवसँग सहकार्य गर्न पाउँदा कम्पनीलाई गर्व लागेको छ। उनका अनुसार एनसेल एपमार्फत उपभोक्ताहरूले जहाँ भए पनि खेल हेर्न सक्नेछन्।
नेपाल क्रिकेट संघ (क्यान) का सचिव पारस खड्काले पनि एनसेलको निरन्तर सहयोगप्रति आभार व्यक्त गर्दै भने, 'यस्ता सहकार्यले नेपाली क्रिकेटलाई विश्वमञ्चमा स्थापित गर्न मद्दत गर्छ।'
स्थापना कालदेखि नै एनसेलले क्रिकेट, फुटबल, भलिबल, गल्फ र पारा–खेलाडीहरूको विकासमा निरन्तर सहयोग गर्दै आएको छ।
-1746009348.jpg)
