अन्य समयमा कामको चटारोले हामी खाना राम्रोसँग बनाउन र खान पनि फुर्सद पाउँदैनौं।
अहिले दसैंका बेला फुर्सदले घरमा बसिरहनुभएको होला।
तर के पकाउने कसरी पकाउने भन्ने चिन्ता लिइरहनुभएको छ भने हामी तपाईंलाई खसीको फिला बनाउने तरिका सिकाउँछौं।
यो बनाउन ५५ मिनेट लाग्छ।
आवश्यक सामग्रीः
- खसीको फिलासहितको खुट्टा ३ किलो (कम वा बढी भए त्यही अनुसार सामग्री मिलाउने)
- नेपाली लसुन ६ पोटी
- ३ चम्चा सोंपको धुलो
- भुटेको तोरीको तेल
- नुन र मसलाको पेस्ट
- मरिचको धुलो
- तेजपत्ता
- ३० ग्राम दही
माथिका सामानहरू तयार छन् भने अब खसीको फिला बनाउनतिर लाग्नुहोस्।
पहिला खसीको खुट्टा चिरा चिरा पार्नुहोस्। अब मसलाको पेस्ट र लसुन मासुको भित्रसम्म पुग्ने गरी मोल्नुहोस्।
त्यसमाथि तोरीको तेल र तेजपत्ता हालेर फ्रिजमा रातभरि छाडिदिनुस्।
त्यसलाई पकाउने समयमा कोठाको सामान्य तापक्रममा ल्याउनुहोस्।
ओभनलाई २ सय २० डिग्री सेन्टिग्रेडसम्म 'प्री हिट' गर्नुहोस्।
किचन स्ट्रिङ (धागो) ले मासुलाई खुकुलो गरेर बाँध्नुहोस्।
त्यसपछि रोस्टिङ-टिन माथि सुरूमा सुकेको मसला राखेर त्यसमाथि मासु राख्नुहोस्।
अब त्यसलाई २५ मिनेटसम्म पकाउनुहोस्। अब ओभनको तापक्रम १ सय ८० डिग्री सेन्टिग्रेडसम्म ल्याउनुहोस्।
अब ओभनबाट मासु निकाल्नुहोस्।
त्यसलाई आलुमिनियम फोइलले १५ देखि २० मिनेटसम्म छोप्नुहोस्।
अब स्वादिष्ट खसीको खुट्टा तयार भयो।
-1746009348.jpg)
