मंगलबार महाशिवरात्रिको अवसर पारी तुलसीपुर–८, अश्वारामा रहेको शिवमाया बहुउद्देश्यीय कृषि फार्मको उद्घाटन गरिएको हो।
विशेष गरी स्थानीय उत्पादनलाई प्रोत्साहन गर्न केराबाट उत्पादित चिप्स, अचार र विभिन्न परिकारका नमकिन उत्पादन गर्न सुरू गरेको फार्मले मंगलबारदेखि औपचारिकरूपमा आफ्ना उत्पादनलाई बजारमा ल्याउन सुरू गरेको छ।
तुलसीपुरको उत्पादनलाई देशभरका बजारमा लैजानका लागि आफूहरूले फार्म सञ्चालन गरेको सञ्चालक भागवत कमलापुरीले जानकारी दिए। उनका अनुसार स्थानीय कृषकको उत्पादनलाई आफ्नो फार्ममा खपत गरेर उपभोक्ताको घरसम्म लैजान आफूहरूले भूमिका खेल्नेसमेत बताए।
फार्मको साना तथा मझौला कृषि आयस्तर वृद्धि आयोजना (रिजम)का निर्देशक गोकर्णराज अर्यालले एक कार्यक्रमकाबीच उद्घाटन गरेका हुन्। सो अवसरमा अर्यालले यस्ता उद्योगले स्थानीय कृषकको आयस्तर वृद्धि गर्न टेवा पुग्ने बताए।
रासस
