नेकपा एमालेले मकवानपुरमा अघिल्लो पटक जितेका ४ पालिकामा यसपालि पराजय व्यहोरेको छ।
मकवानपुरका १० पालिकामध्ये एमालेले २०७४ मा ६ पालिका जितेको थियो। यसपटक उसले दुई पालिकामा चित्त बुझाउनु परेको छ।
पाँच वर्षअघि एमालेले १० पालिकामध्ये हेटौडा उपमहानगरपालिकासहित, ईन्द्रसरोवर गाउँपालिका, कैलाश गाउँपालिका, भीमफेदी गाउँपालिका, मकवानपुरगढी गाउँपालिका, मनहरी गाउँपालिकामा विजय हासिल गरेको थियो।
यसपटक एमालेले भीमफेदी र कैलास गाँउपालिकामा मात्रै जितेको छ।
यसपटक सत्ता गठबन्धनले मकवानपुरका सबै पालिकामा साझा उम्मेदवार उठाएको थियो।
