बैतडीको डिलाशैनी गाउँपालिकामा नेकपा माओवादी केन्द्रबाट अध्यक्ष पदका उम्मेदवार लोकेन्द्र रानालाई प्रहरीले नियन्त्रणमा लिएको छ।
डिलाशैनी वडा नम्बर ५ घर भएका पुर्चौंडी बहुमुखी क्याम्पसमा कार्यरत सहप्राध्यापक रामदत्त जोशीमाथि कुटपिट गरेको आरोपमा रानालाई पक्राउ गरिएको छ।
प्रहरी निरीक्षक लोकराज जोशीले उम्मेदवार रानालाई नियन्त्रणमा लिएर सोधपुछ गरिएको बताए।
स्वतन्त्र उम्मेदवारका पक्षमा प्रचार गरेको भन्दै रानाले जोशीमाथि कुटपिट गरेको आरोप छ।
कुटपिटबाट जोशीको घुँडामा चोट लागेको छ।
उनको गोकुलेश्वर अस्पतालमा उपचार भइरहेको छ।
कुटपिटमा संलग्न अध्यक्षका उम्मेदवार राना र घाइते पक्षबीच गोकुलेश्वर प्रहरी चौकीमा छलफल भएको छ।
