अर्थमन्त्री जनार्दन शर्मा प्रतिनिधिसभा निर्वाचनमा रूकुम पश्चिमबाट विजयी भएका छन्। उनले २६ हजार ५ सय ८८ मतान्तरले नेकपा एमालेका नन्दराम देवकोटालाई पराजित गरेका हुन्।
शर्माले ३९ हजार ५ सय ४९ मत प्राप्त गरेका छन् भने उनका निकट प्रतिद्वन्द्वी नेकपा एमालेका देवकोटाले १२ हजार ९ सय ६१ मत पाएका छन्।
माओवादी शान्ति प्रक्रियामा आएदेखि शर्मा निरन्तर संसदमा रहँदै आएका छन्।
२०६३ को अन्तरिम व्यवस्थापिकामा सांसद भएका शर्मा २०६४, २०७० र २०७४ मा निर्वाचित भएका थिए। उनी चौथोपटक संघीय संसदमा निर्वाचित भएका हुन्।
