बर्दिया क्षेत्र नम्बर १ मा नेपाली कांग्रेसका सञ्जय कुमार गौतम विजयी भएका छन्।
आफ्ना प्रतिस्पर्धी नेकपा एमालेका लक्ष्मणराज ज्ञवालीलाई झन्डै साढे चार हजार मतले हराउँदै गौतम विजयी भएका हुन्।
अन्तिम मतपरिणामअनुसार कांग्रेसका गौतमले ३०६११ मत ल्याएका छन् भने एमालेका ज्ञवालीले २६१५५ मत ल्याएका छन्। उनीहरूको मत अन्तर ४४५६ छ।
यहाँ नागरिक उन्मुक्ति पार्टीका ठाकुर सिंह थारू तेस्रो स्थानमा छन्। उनले २३९९३ मत ल्याएका छन्। त्यस्तै राष्ट्रिय स्वतन्त्र पार्टीका प्रवेश भुसालले ११००४ मत ल्याएका छन्।
