द कन्भरसेसन
स्वस्तिमा खड्का र दयाहाङ राई नेपाली फिल्मका दुई चर्चित अनुहार हुन्।
परम्परागत अभिनेताको मानक तोडेर चरित्रप्रधान अभिनेताका रूपमा आफूलाई प्रमाणित गरेका दयाहाङले झन्डै पाँच दर्जन फिल्ममा अभिनय गरिसकेका छन्। आफूले निर्वाह गरेका पात्रबाट दर्शकमा गहिरो छाप छाडेका छन्। स्वाभाविक र जीवन्त अभिनयले दर्शकहरूको मन जितिरहेका छन्।
उता पहिलो फिल्म ‘होस्टेल रिटर्न्स’ बाटै सफल स्वस्तिमाले झन्डै एक दशकको अभिनय यात्रामा डेढ दर्जन फिल्ममा अभिनय गरिसकेकी छन्। रोमान्टिकदेखि गम्भीर सिनेमा उनको रोजाइमा पर्दै आएका छन्। उनले पनि आफ्ना पात्रमार्फत् दर्शकमा अलग्गै प्रभाव छाडेकी छन्।
‘सेतोपाटीको द कन्भरसेसन’ शृंखलामा स्वस्तिमा र दयाहाङले पहिलोचोटि आमने–सामने भएर एकअर्काले निर्वाह गरेका पात्रहरूबारे कुराकानी गरेका छन्। आफूलाई मनपरेका पाँच पात्र, ती पात्रको संवेदनशीलता र त्यसलाई निर्वाह गर्ने तयारीबारे अनुभव साटेका छन्।
हेर्नुहोस् स्वस्तिमा र दयाहाङबीचको 'द कन्भरसेसन' भिडिओ:
