अभिनेता शाहरूख खान पछिल्लो समय ‘पठान’ फिल्ममा व्यस्त छन् ।
‘जिरो’को असफलतापछि पर्दामा नदेखिएका शाहरूख यसै फिल्ममार्फत पुनः एकपटक एक्सन अवतारमा प्रस्तुत हुँदैछन्।
एक्सन थ्रिलर फिल्म ‘पठान’ लाई आउँदो वर्ष सन् २०२३ को जनवरी २५ मा रिलिज गर्ने निर्माण पक्षले तयारी गरेको छ।
केही समय अगाडि मात्र डेट एनाउन्स गर्दा सार्वजनिक गरेको फिल्मको झलकले चर्चा पाइरहेकै बीचमा शाहरुखको ’पठान’लुक्स सार्वजनिक भएको हो।
डेट एनाउन्स गरिएको भिडियोमासमेत नदेखिएका शाहरुख स्वयमले सामाजिक सञ्जालमार्फत ‘पठान’ लुक्स सार्वजनिक गरेका छन्।
तस्बिर सार्वजनिक गर्दै उनले लेखेका छन्,’शाहरूख रोकिए पनि पठानलाई कसरी रोक्छौँ? एप्स र एब्स सबै बनाउँछु।’
फिल्ममा सलमान खान पनि देखिनेछन्। उनी टाइगर अर्थात् अविनास सिंह राठौरको भूमिकामा प्रस्तुत हुनेछन् ।
यशराज फिल्म्सको ब्यानरमा निर्मित फिल्मलाई सिद्धार्थ आनन्दले निर्देशन गरिरहेका छन् । यशराजको स्पाइ युनिभर्स क्रिएट गर्ने नीति अनुसार निर्देशक सिद्धार्थले पठानको कथा ‘टाइगर ३’ मा निरन्तरता पाउने गरि फिल्म तयार गरिरहेका छन् ।
‘स्पाइ युनिभर्स’ मा शाहरुख र सलमानलाई एक्सन रोलमा हेर्न चाहने दर्शक यस खबरले निकै खुसी छन्।
यशराज फिल्म्सका आदित्य चोपडाले निर्माण गरिरहेको ‘पठान’ फिल्ममा शाहरुख खान, जोन अब्राहम र दीपिका पादुकोण मुख्य भूमिकामा छन्।
