कलाकार दीपकराज गिरिले निर्वाचनको मुखमा कलाकारहरु पार्टीमा प्रवेश गर्ने क्रम सुरू भएको बताएका छन्।
उनले आफूलाई पनि पार्टीमा जान मन भएको तर ती पार्टीमा प्रवेश गर्नेहरुले कहिले पो पार्टी दिने हुन् कुन्नि भन्दै व्यङ्ग्य गरेका छन्।
पार्टी प्रवेशका नाममा कलाकारहरुको चमकधमक देखिएको भन्दै उनले कटाक्ष गरे।
‘चुनाब आयो ! हाम्रा कलाकार साथीहरू विस्तारै पार्टी प्रवेश गर्दै हुनुहुन्छ! त्यसैले मैले पनि पार्टीमा जाने निर्णय गरेँ! तर उहाँहरूले पार्टी पो कहिले दिने हो कुन्नि?’, उनले सामाजिक सञ्जालमार्फत व्यङ्ग्य गरेका छन्।
मंगलबार मात्रै अभिनेत्री करिश्मा मानन्धर विशेष तामाझामसहित नेकपा एमाले प्रवेश गरेकी थिइन्।
