नेपालको चर्चित रक ब्याण्ड १९७४ एडी स्थापनाको ३० वर्ष पुगेको अवसरमा काठमाडौंमा गुञ्जिने भएको छ।
आउँदो चैत २३ गते काठमाडौंको बौद्धस्थित हायात ग्राउन्डमा १९७४ एडी गुञ्जिने भएको हो।
कन्सर्टका लागि टिकट मूल्य साधारण ९९९, फ्यानपिट एक हजार ८००, भिआइपितर्फ २५०० र भिभिआइपीतर्फ ८ हजार रूपैयाँ तोकिएको छ। टिकट इसेवा मार्फत खरिद गर्न सकिने जनाइएको छ।
सन् १९९४ मा स्कुल पढाइरहेका शिक्षकहरू मिलेर स्थापना भएको ब्याण्डले २०७६ सालमा रियुनाइटेड भएको थियो।
ब्याण्डको ३० वर्षगाँठको उपलक्ष्यमा अमेरिका, जापान, अस्ट्रेलियालगायत देशहरूमा कन्सर्ट गरिसकेको छ।
ब्याण्डको ‘छुँदैन’, ‘हिँड्दा हिँड्दै’, ‘पिँजडाको सुगा’, ‘पहिलो जुनीमा’, ‘परेलीमा’, ‘सम्बोधन’, ‘जंगी निशान’ र ‘आइरिस क्याफे’ लगायत चर्चित गीतहरू छन्।
ब्याण्डमा निराकार याकथुङ्बा, मनोज कुमार केसी, संजय श्रेष्ठ, फिरोज स्याङ्देन, मनोज सिंह र एड्रियन प्रधान रहेका छन्।
