निरोज महर्जन निर्देशित फिल्म 'फेरि रेशम फिलिली' को टिजर सार्वजनिक गरिएको छ।
बिहीबार बुढा सुब्बा युट्युब च्यानलमार्फत फिल्मको टिजर सार्वजनिक गरिएको हो। सार्वजनिक टिजरमा अमेरिका जान एक युवाले गर्ने संघर्षको कथा प्रस्तुत गरिएको छ।
फिल्ममा विनय श्रेष्ठ, सुपुष्पा भट्ट, कामेश्वर चौरासिया, नीर शाह, प्रकाश घिमिरे, शिशिर वांगदेल, रविन्द्र झा, लक्ष्मी गिरी, महेश त्रिपाठी, एवनराज उप्रेती, मेक्सम गौडेल, प्रकाश घिमिरे, सजन थापालगायत कलाकारको अभिनय छ।
सुसन प्रजापतीको छायांकन, निर्देशक महर्जन र आकाश बरालको पटकथा, नरेश किङ योगीको द्वन्द्व निर्देशन तथा कालीप्रसाद बाँस्कोटा, एसडी योगी, हर्क साउद, जयन जे वाइवा र दीपक शर्माको संगीत र सुरेन्द्र पौडेलको सम्पादन फिल्ममा रहेको छ।
फिल्म आर्ट र वि मोसन पिक्चर्सको सहकार्यमा निर्माण भएको फिल्ममा रौनक विक्रम कडेल निर्माता तथा कार्यकारी निर्माता सुरज बम ठकुरी र सह-निर्मातामा एनि थापा छन्। फिल्मको कथा पनि उनले नै लेखेका हुन्।
यो फिल्मलाई गोविन्द शाहीको काफिया फिल्म्स र कुवेर सिने डिष्ट्रीव्युसनले वितरण गर्दैछन्। यो वर्षकै प्रतिक्षित मध्यको एक फिल्म हो।
यो फिल्म फागुन १४ गतेदेखि प्रदर्शन हुनेछ।
