सविन भट्टराई लिखित चर्चित प्रेम-उपन्यास ‘समर लभ’माथि बनेको सोही नाममा बनेको सिनेमाले आफ्नो पहिलो गीत रिलिज गरेको छ।
सिनेमाले ‘साया…’ बोलको शीर्ष गीत रिलिज गरेको हो। गीतमा साया र अतित बनेका आशिष पिया र रेवती क्षेत्री फिचर्ड छन् ।
मुस्कान ढकाल सिनेमाका निर्देशक हुन्। प्रेमकथामा आधारित यो सिनेमा माघ २५ गते भ्यालेन्टाइन डेका दिन रिलिज हुँदैछ। गीतमा स्वर पुष्पन प्रधान र बानिका प्रधानको युगल स्वर छ । गीतमा शब्द तथा संगीत पनि पुष्पन प्रधानको नै रहेको छ ।
सिनेमामा आशिष पिया र रेवती क्षेत्रीका अलवा सुरज सिंह ठकुरी, सरोज खनाल, ओम प्रतिक, नम्रता सापकोटा, शिशिर भण्डारी लगायतका कलाकारको अभिनय रहेको छ ।
सुविनको कथालाई सामीप्यराज तिमल्सेनाले पटकथामा ढालेका हुन् भने सिनेमाको संवाद लेखनमा सामिप्यराज तिमिल्सेनाले सुविनसँग साझेदारी गरेका छन् ।
नाइटिङ्गेल इन्टरटेनमेन्टको ब्यानरमा निर्माण गरिएको सिनेमामा खगेन्द्र श्रेष्ठ र इन्दु भण्डारी निर्माता रहेका छन् भने विनोद अधिकारी कार्यकारी निर्माता हुन् ।
-1746009348.jpg)
