विश्वविख्यात तबला संगीतज्ञ एवम् पद्म भूषण उस्ताद जाकिर हुसेनको सांगीतिक कार्यक्रम काठमाडौंमा सम्पन्न भएको छ।
भारतीय दूतावासको आयोजनामा मंगलबारसाँझ दूतावास परिसरमा कार्क्रमको आयोजना भएको हो।
कार्यक्रममा राजनीतिज्ञ, कलाकार, संगीतकार, साहित्यकार, संचारकर्मी तथा विद्यार्थीलगायत विभिन्न क्षत्र र पेशाका करिब १ हजारभन्दा बढी व्यक्तिको उपस्थिति थियो।
कार्यक्रमको प्रमुख अतिथि प्रधानन्यायाधीश ओमप्रकाश मिश्र थिए । उनी श्रीमतीसहित कार्यक्रममा सहभागी भएका थिए ।
यसैगरी मन्त्रिपरिषदका पूर्वअध्यक्ष खिलराज रेग्मी, सभामुख कृष्णबहादुर महरा, परराष्ट्रमन्त्री प्रदीप ज्ञवाली, भौतिक पूर्वाधार तथा यातायात मन्त्री रघुबिर महासेठ, कांग्रेस कोषाध्यक्ष सितादेवी यादव, नेता अर्जुननरसिंह केसी, राप्रपा प्रजातान्त्रिकका अध्यक्ष पशुपति समशेर जबरा, प्रधानमन्त्री केपी शर्मा ओलीका राजनीतिक सल्लाहकार विष्णु रिमाललगायत सहभागी थिए ।
कार्यक्रममा तबला उस्ताद जाकिर हुसेनको साथमा आनन्द कृष्णन् (मृदंगम्), साबिर खान (सारंगी), नविन शर्मा (ढोलक) तथा मुजीब ददरकर (साउण्ड इन्जिनियर) थिए ।
उस्ताद जाकिर हुसेन सांगीतिक क्षेत्रका विश्व प्रसिद्ध व्यक्तित्व हुन् । उनको सांगीतिक समूहले यस सांगीतिक प्रस्तुतिलाई साँच्चै नै अविस्मरणीय बनाएको छ । उनले आफ्नो कुद्रती आधुनिक तथा शास्त्रीय तबला बादन मार्फत समस्त दर्शकलाई मन्त्रमुग्ध बनाए र उनको यो प्रस्तुतिलाई काठमाडौँले लामो समय सम्म सम्झी सहनेछ ।
भारत–नेपाल कूटनीतिक सम्बन्धको ७० वर्ष मनाउन तथा दुवै देशको साझा सांगीतिक विरासतलाई बरकरार रख्न उस्ताद जाकिर हुसेनसँगको सांगीतिक कार्यक्रम १७ वर्षको लामो अन्तराल पछि आयोजना भएका हो।
सो कार्यक्रममा सूर्य नेपाल, नेपाल एसबीआई बैंक, जेट एयरवेज तथा र्याडिसन होटलले सहकार्य गरेका थिए।
.jpg)
.jpg)
-1746009348.jpg)
