भारतीय शास्त्रीय संगीतका चर्चित संगीतकार एवंम् गीतकार उस्ताद जाकिर हुसैन नेपालमा प्रस्तुति दिन आउँदैछन्।
काठमाडौंको स्वामी विवेकानन्द साँस्कृतिक केन्द्र र नयाँ दिल्लीको ‘द इन्डियन काउन्सिल फर् कल्चरल रिलेसन’ द्वारा संयुक्त आयोजनामा मंगलबार लैनचोरस्थित भारतीय दूतावासमा कार्यक्रम हुनेछ।
जाकिर हुसैन संसारमा सबैभन्दा प्रतिष्ठित ‘तबला मास्ट्रो’ को रूपमा परिचित छन्।
उनको कला दक्षताका कारण उनलाई भारत सरकारद्वारा ‘पद्यश्री’ र पद्य भूषणले सम्मान पनि गरिएको छ।
सन् १९९९ मा उनलाई अमेरिकाको ‘नेसनल हेरिटेज फेलोसिप’ले सम्मान गरिएको थियो। यो पदक एउटा संगीतकारको लागि सर्वाेच्च पुरस्कारको रूपमा लिइन्छ।
यसअघि, जाकिर नेपालमा १७ वर्ष पहिले आएका थिए। यो वर्ष उनलाई अन्य तीन कलाकारले पनि साथ दिने भएका छन्। दुई घण्टाको कार्यक्रमा अनन्थ कृष्णले म्रिडङ्गम, साबिरले सारङ्गी र नविन शर्माले ढोलक बजाएर जाकिरसँग प्रस्तुति देखाउने छन्।
-1746009348.jpg)
