पुराना गायक सचिन रौनियारले झन्डै १२ वर्षपछि ’ए मान्छे’ बोलको गीतका साथ पुनः संगीतमा फर्किएका छन् ।
डिजिटल युगको पहिलो गीत बताउने सचिनले राजधानीमा एक कार्यक्रमको आयोजना गर्दै गीत सार्वजनिक गरेका हुन् । मनोरंजनसँगै अनेकतामा एकताको संदेश समेत दिने गीतको शब्द प्रकाश सापकोटाले लेखेका हुन् भने यसमा जितेन लेप्चाको संगीत रहेको छ ।
कुनै समय 'छ भनौ कि छैन भनौ' , 'यो वनमा छैन क्यारे न्याउली कराउदिन ए कान्छी' , 'ए माया कहाँ छौ कहाँ' , 'झन् झन् बढ्यो याद तिम्रो' , 'आफ्नो मान्छे' लगायतका गीतमा चर्चा कमाएका पगायक रौनियारे १२ वर्षको अन्तराल पछि फेरि संगीतसँग जोडिएका हुन्।
बिक्रम संवत २०४३ सालमा पहिलो एल्बम ’सर्च’ बजारमा ल्याएका उनले १२ वटा एल्बम सार्वजनिक गरिसकेका छन् । सर्चसँगै स्पर्श , नशा , सारेगामा लगायतका एल्बम उनका चर्चित एल्बममा पर्छन ।
गीतको भिडियोमा सचिन आफ्ना समकालिन गायकहरू संजय श्रेष्ठ , बबिन , भिम तुलाधरसँग देखिएका छन्। भिडियोलाई सुव्रतराज आचार्यले निर्देशन गरेका हुन्। भिडियोमा गम्भीर बिष्टले कोरियोग्राफी छ।
-1746009348.jpg)
