चर्चित गायक शिव परियारको स्वर रहेको हिट गीत ‘आँशुको अर्थ’को दोश्रो भाग रिलिज भएको छ।
'आँशुको अर्थ -२' गीत को लिरिकल भिडियो सार्वजनिक गरिएको हो ।
गत वर्ष सार्वजनिक भएको ‘आँशुको अर्थ’ सफल भएपछि सो गीतका गीतकार रवि अधिकारीले 'आँशुको अर्थ -२: आँशु दिइ जाने' लेखेका हुन्।
शुक्रबार चितवनमा गीत सार्वजनिक कार्यक्रममा बोल्दै गीतकार अधिकारीले ‘आँशुको अर्थ १ को अपार सफलता पछि अझै राम्रो गर्ने प्रेरणा मिलेको बताए ।
कार्यक्रममा दशैं लगतै निकेश खड्काको निर्देशनमा ‘आँशुको अर्थ’का मुख्य कलाकार नायिका स्वस्तिमा खड्का र नायक आकाश श्रेष्ठलाई फिचरिंग गरेर गीतको म्युजिक भिडियो निर्माण जानकारी दिइयो।
गीतमा चर्चित संगीतकार दिपक शर्माको संगीत रहेको छ। पहिलो गीतमा भने टंक बुढाथोकीको संगीत रहेको थियो।
-1746009348.jpg)
