अभिनेत्री रेखा थापाको निर्माण,निर्देशन तथा अभिनय रहेको 'मालिका'को ट्रेलर शुक्रबार रिलिज भएको छ। एक कार्यक्रमकाबिच उनले सो फिल्मको ट्रेलर रिलिज गरेकी हुन्।
ट्रेलरले फिल्म बालबिबाह तथा बलात्कारको सेरोफेरोमा रहेको देखाएको छ।
ट्रेलर समारोहमा बोल्दै रेखाले आफूले पछिल्लो समय निर्माण गरेका हरेक फिल्मले महिला तथा बालिकाको विषयमा बोलेको र यस फिल्मले पनि नेपाली समाजमा वर्तमानमा पनि घटिरहेको घटनालाई देखाउन खोजेको बताइन्।
सेतोपाटीसँग कुरा गर्दै रेखाले फिल्मले समाजमा हुने गरेका बलात्कार, बालविवाह र तिनीविरूद्ध गरिनुपर्ने विद्रोहको कुरा उठाएको बताइन्।
ट्रेलर समारोहमा रेखाले फिल्ममा अभिनय गरेकी जाजरकोटकी १४ वर्षिया कमला वलीलाई पनि सार्वजनिक गर्दै आफ्नो फिल्मको मूख्य हिरो आफू नभइ कमला भएको बताएकी थिइन।
रेखा थापा र नर बहादुर कार्कीको कथा रहेको फिल्मको पटकथा शिवम अधिकारीेले लेका हुन्। सुरेश अधिकारी तथा एस डी योगी संगीत रहेको फिल्मलाई रामशरण उप्रेतीले खिचेका हुन्।
-1746009348.jpg)
