रिलिजको ठ्याक्कै एक महिना बाँकी छँदा सर्वाधिक सिक्वलको कीर्तिमान राखेको विकाश आचार्य निर्देशित 'नाईं नभन्नू ल ५'को शीर्ष गीत रिलिज भएको छ।
फिल्म भदौं ८ मा रिलिज हुँदैछ।
मंगलबार राजधानीमा एक कार्यक्रम गर्दै फिल्मको गीत रिलिज गरिएको हो। मेलिना राईको स्वरमा सजिएको गीतमा दिनेश थपलियाको शब्द तथा वसन्त सापकोटाको संगीत रहेको छ।
कविराज गहतराजको कोरियोग्राफी रहेको गीतमा अभिनेत्री स्वस्तिमा खड्का तथा डेब्यू अभिनेता अभिषेक नेपाल फिचरिङ भएका छन्। त्यस्तै गीतमा बाल कलाकार सेड्रिना शर्मा पनि देखिएकी छन्।
निर्देशक आचार्यले आफ्नो यस सिनेमालाई अघिल्ला सिक्वलहरू झैं पारिवारिक कथा बोकेको फिल्मका रूपमा चित्रण गरेका छन्। सिक्वलहरू जस्तै यी फिल्मका गीतहरू पनि दर्शकहरूमाझ उत्तिकै चर्चित हुनेगरेका छन्। त्यसैले सार्वजनिक 'तिम्रो आँखामा आँखा जुधाई' बोलको गीतले पनि श्रोताको मन जित्ने अनुमान गरिएको छ।
सामिप्यराज तिमल्सेना तथा निर्देशक आचार्यको संयूक्त लेखन रहेको सिनेमामा स्वस्तिमा, अभिषेक र सेड्रिनाका अलावा दिलिप रायमाझी, निरुता सिंह, प्रियंका कार्की, केकी अधिकारी, अनुभव रेग्मीको अभिनय रहेको छ।
-1746009348.jpg)
