कलाकार सन्ध्या रेग्मीको ‘तमसोमा ज्योतिर्गमय’ शीर्षकमा नवौं एकल चित्रकला प्रदर्शनी सुरू भएको छ।
नेपाल कला परिषद बबरमहलमा नेपालका लागि जर्मनीका राजदूत दम्पत्ती रोल्यान्ड शेफरले शनिबार प्रदर्शनीको उद्घाटन गरे।
सन् २०१३ मा ‘बुद्धका अनुहारहरू’ शीर्षकमा सातौं एकल चित्रकला प्रदर्शनीबाट हौसिएकी रेग्मीले नेपाल र बिदेशमा गरी नौ पटकसम्म आफ्ना पेन्टिङको प्रदर्शनी गरिसकेकी छन्।
कलाकार शशी विक्रम शाहले क्यानभासमा घोडाको लाईभ पेन्टिङ चित्र कोरेर कार्यक्रमको सुरूवात गरेका थिए।
बुद्ध शान्ति फाउन्डेशनद्वारा आयोजित कार्यक्रममा अखिल नेपाल भिक्षु महासंघका महासचिव कोन्दन्य महास्थविरको उपस्थिति थियो।
रेग्मीले विगत ५ वर्षदेखि कोरेका ३३ वटा बत्ती, ॐ, गायत्री मन्त्र, महामृत्युजन्य मन्त्रलगायतका अमूर्त र अर्धमूर्त शैलीका चित्रहरू प्रदर्शनीमा राखिएको छ।
‘अन्ध्यारोबाट उज्यालोतिर’, ‘असत्यबाट सत्यतिर’ र ‘मृत्युबाट जीवनतिर’ लैजाने सन्देसमुलक चित्रहरू प्रदर्शनीमा रहेको रेग्मीले जानकारी दिइन्।
भिक्षुसहित नेपाल ललितकला प्रतिष्ठानका कलाकारहरू, प्राज्ञ, कला समिक्षक, कलानुरागी, कवि तथा साहित्यकार, बिभिन्न देशका कुटनीतिक प्रतिनिधि लगायतको उपस्थितिमा कार्यक्रमको सुरूवात गरिएको थियो।
कार्यक्रममा कलासँग साहित्य र संगीत मिसाउँदै पैन्टिङमा कवि गोपीकृष्ण प्रसाईं र कवी तुसार सुबेदीले नेपाली र अंग्रेजीमा कविता लेखेर वाचन गरेका थिए।
प्रदर्शनी आगामी असार ३१ गतेसम्म चल्नेछ।
-1746009348.jpg)
