गायक राजेशपायल राईले अमेरीकामा रेकर्ड गरेको ‘उडी हराउने धुवाँ’ बोलको गीत सार्वजनिक भएको छ ।
अमेरीकामै रहेर नेपाली गीत संगीतमा इटा थप्दै आइरहेकी गीतकार ममता राईको शब्दमा समावेश रहेको गीतको भिडियो सार्वजनिक गरिएको हो ।
गीतमा दिप घतानीको संगीत तथा एरेञ्ज रहेको छ । सार्वजनिक गीतको बारेमा बोल्दै गायक राजेश पायल राईले गीतकार ममता राईको शब्दमा गीत राम्रो बनेको बताए ।
‘हामीले नेपाली चलचित्रका गीतहरु विदेशको कुरा गर्ने हो भने इन्डियामा मात्र रेकर्डिङ गरिरहेका हौ । तर म आफुलाई भाग्मानी ठान्छु की मैले कोरिया, जापान र अमेरीकामा आफ्ना गीतहरु रेकर्ड गर्न पाइरहेको छु ,’ गीतका बारेमा राईले भने।
त्यस्तै गीतकार ममता राईलेपनि अमेरीकामै गीत रेकर्ड गर्न निकै गाह्रो भएको बताइन् । गीत रेकर्ड गर्न केही समस्या भएपनि दु:ख गरे अनुसार गीत राम्रो बनेको बताइन्।
-1746009348.jpg)
