सिद्धार्थ बैंक नेपाल प्रिमियर लिग (एनपिएल) मा लिग चरणको अन्तिम एक खेल बाँकी रहदा अर्धशतकको सङ्ख्या ३४ पुगेको छ। जसमा २९ खेलाडी सामेल छन्।
यसअघि जारी ‘सिजन’मा चितवन राइनोजका रवि बोपराले तीन अर्धशतक प्रहार गरेका थिए।
पोखरा एभेन्जर्सका कुशल भुर्तेल तथा एडम रोसिङट र कर्णाली याक्सका प्रियान्क पन्चालले दुई/दुई अर्धशतक हिर्काएका छन्।
यस्तै सुदूरपश्चिम रोयल्सका विनोद भण्डारी, जोश ब्राउन, हरमित सिंह, क्रिश लिन ईशान पाण्डे, विराटनगर किंग्सका लोकेश बम, फाफ डू प्लेसिस, मार्टिन गुप्टिल, बसिर अहमद, पोखराका सुमित बर्मा, जिमी निशम, एडम रोसिङटन, रिसि धवन, चितवनका डेविड मलान र अर्जुन साँउद एक एक अर्धशतक प्रहार गरेका छन्।
काठमाडौँ गोर्खाजका भीम सार्की, जोन सिम्प्सन, बेन चाल्र्सवर्थ, कर्णालीका मार्क वाट, लुम्बिनीका डार्सी सर्ट, जनकपुर बोल्ट्सका वायन पार्नेल, सञ्जय कृष्णमूर्ति, माज सदाकत, अनिल शाह र आशिफ शेखले एक/एक अर्धशतक हिर्काएका छन् ।
कर्णालीका मार्क वाट र पोखराका एडम रोसिङटनले मात्रै जारी प्रतियोगितामा शतक प्रहार गरेका छन् ।
सर्वाधिक विकेट लिने बलरको सूचीको शीर्ष स्थानमा विराटनगरका कप्तान सन्दीप लामिछाने छन्। उनले ७ खेलमा १५ विकेट लिएका छन्। दोस्रो स्थानमा रहेका सुदूरपश्चिम रोयल्स अभिनास बोहाराले १४ विकेट हात पारेका छन्।
सर्वाधिक रन बनाउने खेलाडीको ब्याटरको शीर्ष तीनमा विदेशी खेलाडी छन्। पोखराका एडम रोसिङटनले ३२३ रन, कर्णालीका मार्क वाटले २४२ रन र चितवनका रवी बोपाराले २३७ रन बनाए।
चौथो स्थानमा रहेका रोहितकुमार पौडेलले २०८ रन बनाएका छन्। पाँचौं स्थानको विनोद भण्डारीले २०१ रन बनाए।
-1746009348.jpg)
