सिद्धार्थ बैंक नेपाल प्रिमियर लिग (एनपिएल) मा शनिबार लुम्बिनी लायन्सका लागि डेब्यू गरेका श्रीलंकन खेलाडी निरोशन डिक्वेलालाई जरिवाना गरिएको छ।
एनपिएलका अनुसार उनलाई आइसिसीको लेभल-१ कोड अफ कन्डक्ट अफेन्सअन्तर्गत आर्टिकल २.८ अन्तर्गत कारबाही गरिएको हो।
उनले पोखरा एभेन्जर्सविरूद्धको खेलमा अम्पायरको निर्णयविरूद्ध असन्तुष्टि प्रकट गरेका थिए।
उनले पोखराका खेलाडीलाई एलबिडब्लू आउट दिनु पर्ने भन्दै अपिल गरेका थिए। तर आउट नदिएपछि विकेटकिपङ गरिरहेका निरोशनले आफ्नो हातबाट ग्लोब्स फ्याँकेका थिए।
यो विषयमा अम्पायरले रिपोर्ट गरेको एनपिएलको भनाइ छ। साथै उनले आफूले गल्ती गरेको स्वीकार गरेका छन्।
एनपिएलको कारबाही पनि स्वीकार गरेका उनको ५ प्रतिशत म्याच फि जरिवाना गरिएको छ। साथै उनलाई १ डेमेरिटक अंक प्रदान गरिएको छ।
श्रीलंकाको राष्ट्रिय टोलीबाट खेलिसकेका निरोशनले आज लुम्बिनीका लागि पहिलो खेल खेलेका थिए। सो खेलमा लुम्बिनीले ३ विकेटको जित निकाल्दै प्लेअफ सम्भावना जीवित राखेको थियो।
-1746009348.jpg)
