सहिद स्मारक ए डिभिजन लिगमा संकटा क्लबले दोस्रो जित हात पारेको छ।
संकटाले सोमबार दशरथ रंगशालामा भएको खेलमा नेपाल पुलिस क्लबलाई १-० गोलले पराजित गर्यो।
संकटाको जितमा निरज बस्नेतले गरेको गोल निर्णायक साविक बन्यो।
उनले खेलको १८ मिनेटमा गोल गरेका थिए। लक्ष्मण रुचालको कर्नरमा निरजले उत्कृष्ट हेड गर्दै बललाई जाली चुमाएका थिए।
जितसँगै संकटा अंक तालिकाको चौथो स्थानमा उक्लिएको छ।
संकटाको चार खेलबाट ८ अंक भएको छ। उसले चार मध्ये समान २-२ खेलमा जित र बराबरी खेलेको छ।
अंक तालिकाको शीर्ष टिम मछिन्द्र फुटबल क्लब र दोस्रो स्थानको मनाङ मर्स्याङ्दी क्लबको १०-१० अंक छ। तेस्रो स्थानको त्रिभुवन आर्मी क्लबको ८ अंक छ।
-1746009348.jpg)
