सहिद स्मारक ए डिभिजन लिगअन्तर्गत मनाङ मर्स्याङ्दी क्लबको तीन खेल पोखरामा हुने भएको छ।
आफ्नो घरेलु मैदानको रूपमा प्रयोग गर्ने प्रक्रियामा रहेको पोखरा रंगशालामा मनाङले आफ्नो पाँचौ चरण, सातौं चरण र आठौं चरणको खेल खेल्न लागेको हो।
अखिल नेपाल फुटबल संघ (एन्फा) ले सोमबार सार्वजनिक गरेको नवौं चरणको खेल तालिकाअनुसार मनाङले पोखरा रंगशालामा नेपाल पुलिस क्लबविरूद्ध पुस ३ गते पाँचौ चरणको खेल, ब्रिगेड ब्वाइजविरूद्ध पुस १७ गते सातौ चरणको खेल र च्यासल युथ क्लबविरूद्धको पुस २४ गते आठौ चरणको खेल खेल्नेछ।
एन्फाले सार्वजनिक गरेको खेल तालिकाअनुसार नवौं चरणका बाँकी सबै खेल दशरथ रंगशालामै हुनेछन्।
नवौं चरणको खेल माघ ३ गते सकिने एन्फाको खेल तालिकामा उल्लेख छ। त्यसपछि बाँकी चार चरणको खेल पनि लिग सकिनेछ।
खेल तालिका
-1746009348.jpg)
