जिम्बावेमा जारी विश्वकप क्रिकेट छनोट अन्तर्गत सातौं स्थानको प्लेअफमा नेदरल्याणविरूद्ध नेपालका सोमपाल कामीले ३ विकेट लिइसकेका छन्। पहिलो ओभरमै विकेट लिएर दबाबमा परेको नेदरल्याण्डले तीन विकेट गुमाउँदै १० ओभरमा ३९ रन बनाएको छ।
पहिलो ओभरको तेस्रो बलमा सोमपाल कामीले नेदरल्याण्ड्सका वारेसीलाई शून्यमा आउट गराए।
त्यस्तै तेस्रो ओभरको दोस्रो बलमा कोपेरलाई आउट बनाएका छन्।
यस्तै १०औं ओभरको दोस्रो बलमा उनैले बोरेनलाई आउट बनाए।
टस जितेर पहिले ब्याटिङ गरिरहेको नेदरल्याण्डले २.२ ओभरको समाप्तिमा २ विकेट गुमाएर ६ रन बनाएको छ।
क्वेक्वेमा नेदरल्याण्ड्सले टस जितेर पहिले ब्याटिङ रोजेको हो। नेपाल र नेदरल्याण्ड्सबीच यसअघि ४ खेल भएको थियो। जसमा दुवैले २-२ खेल जितेका थिए।
यसअघि नेपालले पिएनजीलाई तथा नेदरल्याण्ड्सले हङकङलाई पराजित गर्दै सातौं स्थानको प्लेअफका लागि स्थान बनाएका थिए।
