जिम्बावेमा जारी विश्वकप क्रिकेट छनोट अन्तर्गत सातौं स्थानको प्लेअफमा नेपालले नेदरल्याण्ड्ससँग टस हारेर पहिले फिल्डिङ गर्ने भएको छ।
क्वेक्वेमा नेदरल्याण्ड्सले टस जितेर पहिले ब्याटिङ रोजेको हो। नेपाल र नेदरल्याण्ड्सबीच यसअघि ४ खेल भएको थियो। जसमा दुवैले २-२ खेल जितेका थिए।
यसअघि नेपालले पिएनजीलाई तथा नेदरल्याण्ड्सले हङकङलाई पराजित गर्दै सातौं स्थानको प्लेअफका लागि स्थान बनाएका थिए।
आजको खेलमा बसन्त रेग्मीको स्थानमा शक्ति गौचनलाई ल्याइएको छ।
