लिटिल एन्जल्स स्कुलको आयोजनामा १० औं एलए÷जेटीआई अन्तरविद्यालय जुनियर खुला टेनिस भदौ ७ गतेदेखि हुने भएको छ ।
प्रतियोगितामा विभिन्न उमेरसमूहअन्तर्गत १२ स्पर्धामा प्रतिस्पर्धा हुने टेनिस प्रशिक्षक रामेश्वर थापाले जनाएका छन् । यु–८, यु–९, यु–१०, यु–१२ र यु–१४ ब्वाइज÷गल्र्स सिंगल्समा प्रतिस्पर्धा हुनेछ । त्यस्तै यु–१४ ब्वाइज÷गल्र्स डबल्स स्पर्धा पनि समावेश छ ।
अखिल नेपाल लनटेनिस संघअन्तर्गतको जुनियर टेनिस इनिसिएटिभ (जेटीआई) को प्राविधिक सहयोगमा हुने साताव्यापी प्रतियोगितामा २ सय भन्दा बढी खेलाडीले भाग लिने बताइएको छ । खेलहरु हात्तीवनस्थित एलएको कोर्टमा खेलाइनेछ । गत संस्करणमा सेन्ट जेभियर्सले टिम च्याम्पियनको उपाधि जितेको थियो ।
