जर्मनीका २० वर्पीया अलेक्सान्द्रो ज्वेरेवले टेनिस स्टार रोजर फेडररलाई पराजित गरेका छन्। अलेसान्द्रोले रोजर्स कप टेनिस प्रतियोगिताको फाइनलमा स्विट्जरल्यान्डका ३६ वर्षीय स्टारलाई पराजित गरेका हुन्।
जर्मनीका युवा खेलाडीको वर्षको यो पाँचौ उपाधि हो। विश्व वरियताको आठौं नम्बरमा रहेका अलेक्सान्द्रोले तेस्रो वरियताका फेडररलाई ६–३ र ६–४ को सेटमा हराए। उनी सर्वियाका नोभाक जोकोविचपछि कम उमेरमा रोजर्स कप जित्ने खेलाडी बन्न पुगेका छन्। जोकोविचले २००७ मा युवा अवस्थामा यो उपाधि जितेका थिए।
