रुपन्देही प्रहरीले तिलोत्तमा नगरपालिकाको मणिगाम्रस्थित एक घरमा छापा मारेर जुवा खेलिरहेका २६ जनालाई पक्राउ गरेको छ।
मनिष अधिकारीको घरमा जुवा खेलिरहेका २६ जनालाई ९ लाखसहित पक्राउ गरिएको एसपी श्याम ज्ञवालीले जानकारी दिए। प्रहरीले दर्जनौ तास र कौडा बरामद गरेको छ।
'यो विसुद्ध जुवा हो,' एसपी ज्ञवालीले भने, 'अन्य जुवाका खालहरुमा पनि हामीले निगरानी बढाएका छौं । '
जुवातास निर्मुल गर्न एसपी ज्ञवालीले गत दसैंमा पनि जुवाका खालहरुमा कडा निगरानी बढाएका थिए। त्यसबेला थोरै मात्रामा केही जुवाडे पक्राउ परेपनि ठूलो रकम र धेरै जना पक्राउ परेका भने अहिले मात्र हुन् ।
