अपहरण गरी बन्धक बनाइ रकम असुली गरेको अभियोगमा प्रहरीले ३ जनालाई पक्राउ गरेको छ। सिआइबीले रोल्पा थवाङका सुनिलकुमार थामी,आत्मियता बुढामगर र रुकुमका जितेन्द्र सुनारलाई पक्राउ गरेको हो ।
उनीहरुले भदौं ६ गते घोराहीका ५३ वर्षीय हस्तबहादुर नेपालीलाई काम छ भन्दै बोलाएर अपहरण गरेका थिए। नेपाली उनीहरुका चीनजानका व्यक्ति हुन् ।
बालाजुको गेष्टहाउसमा लगेर उनीहरुले नेपालीसँग ५ लाख रुपैयाँ माग गरेका थिए। तत्काल ५ लाख दिन नसक्ने बताएपछि ७८ हजार रुपैयाँ लिएर उनीहरुले कागज गरेको सिआइबीकी एसपी मिरा चौधरीले जानकारी दिइन्।
