१ किलो सुनसहित ताइवानी नागरिक त्रिभुवन अन्तर्राष्ट्रिय विमानस्थलबाट पक्राउ परेका छन् ।
विमानस्थल भन्सार कार्यालय परिसरमा यात्रु जाँच गर्ने क्रममा क्याथे ड्रागन एअरको उडानबाट हङकङ हुँदै काठमाडौं आएका ताइवानी नागरिक चिएचुन चाङलाई पक्राउ गरिएको प्रहरीले जनाएको छ।
उनको साथबाट लुकाइछिपाइ ल्याएको करिब १ केजी सुन बरामद भएको छ। यससम्बन्धमा थप अनुसन्धान भइरहेको प्रहरीले जनाएको छ।
