मकवानपुरमा स्कुटरलाई ग्यास बुलेटले ठक्कर दिँदा एक जनाको मृत्यु भएको छ।
सोमबार बिहान साढे ९ बजे मकवानपुरको मनहरि गाउँपालिका-७ लच्कास्थित पूर्व-पश्चिम राजमार्ग सडक खण्डमा बा प्र २-०५७ प ३२३० नम्बरको स्कुटरलाई सोही दिशातर्फ आउँदै गरेको एनएल ०१ एन ०२८० नम्बरको ग्यास बुलेटले ठक्कर दिएको थियो।
ठक्कर दिएको स्कुटरमा श्रीमान, श्रीमती र २ वर्षका छोरा सवार थिए।
जिल्ला प्रहरी कार्यालय मकवानपुरका अनुसार चालक सिन्धुपालचोकको चौतारा नगरपालिका-५ का ३० वर्षीय केदार श्रेष्ठको मृत्यु भएको छ।
उनलाई उपचारका लागि हेटौडा अस्पताल पुर्याइएकोमा चिकित्सकले मृत घोषणा गरेका हुन्।
उनकी श्रीमती २८ वर्षीया सरस्वती श्रेष्ठ र २ वर्षीय छोरा प्रविन श्रेष्ठको एलाइभ अस्पतालमा उपचार भइरहेको प्रहरीले जनाएको छ।
सरस्वतीको अवस्था गम्भीर छ भने प्रविनको अवस्था सामान्य रहेको बताइएको छ।
ग्यास बुलेट चालक भारत बिहारका ५५ वर्षीय मोहमद मतिनलाई प्रहरीले नियन्त्रणमा लिएर घटनाबारे थप अनुसन्धान अगाडि बढाएको छ।
-copy-1761394385.jpg)
-1756446574.jpg)
-1746009348.jpg)
