नेपाली सेनाले बेलायतमा भएको एक्सर्साइज क्यामब्रियन पट्रोलमा स्वर्ण पदक जितेको छ।
असोज २३ गतेदेखि २५ गतेसम्म सञ्चालन भएको उक्त पट्रोलमा नेपाली सेनाले स्वर्ण पदक प्राप्त गरेको जनसम्पर्क तथा सूचना निर्देशनालयले जनाएको छ।
बेलायतसहित ३३ राष्ट्रको ११७ वटा टोलीले उक्त पट्रोलमा भाग लिएको थियो।
सन् १९३० देखि वार्षिक रूपमा यो पट्रोल प्रतियोगिता हुँदै आएको छ। नेपाली सेनाले भने सन् २०१४ देखि भाग लिन थालेको हो।
दुई दिनभित्रमा हतियार तथा करिब ५० पाउण्ड तौल बराबरको उपकरण तथा बन्दोबस्तीका सामग्रीसहित ५० किलोमिटर दूरी पार गर्नुपर्ने अभ्यास हो। यस अभ्यासमा सहभागी भएका टोलीले विभिन्न तयारी, खबर संकलन र घाइते तथा बिरामीको व्यवस्थापन लगायतका लक्षताहरूको परीक्षण गरिने सेनाले जनाएको छ।
यसअघि पनि नेपाली सेनाले सन् २०१७, २०१९ र २०२४ मा समेत स्वर्ण जितेको छ।
-1746009348.jpg)
