गजामा युद्धविराम गर्ने सहमति भएपछि त्यहाँबाट विस्थापित भएका हजारौं प्यालेस्टिनीहरू फर्कन थालेका छन्।
इजिप्टमा विहीबार भएको अप्रत्यक्ष वार्तामा युद्धविराम गर्ने सहमति जुटेको भोलिपल्टैदेखि गजामा मानिसहरू फर्कन थालेका हुन्।
शनिबार अबेरसम्म २ लाखभन्दा बढी मानिसहरू गजा फर्किएको अमेरिकी पत्रिका द न्युयोर्क टाइम्सले जनाएको छ।
इसराइलले भीषण आक्रमण गरेपछि विस्थापित भएकाहरू पैदल नै गजा सिटी फर्किन थालेका हुन्।
गजा फर्किएकाहरु आफ्नो घर खोजिरहेका छन्। तर इसराइली हमलाबाट ध्वस्त बनेको गजामा कुनै घर सग्ला नभेटिएपछि उनीहरू निराश बनेका छन्।
२ वर्षअघिसम्म सग्लो रहेको सहर अहिले खण्डहर बनेको उनीहरूले भेटेका छन्।
'हामीले धेरै मानिसहरूलाई उत्तरतर्फ फर्कँदै गरेको देखेका छौं। तर उनीहरूले आफ्नो घरको ठाउँमा भग्नावशेषमात्रै भेटिरहेका छन्। यो भावनात्मक रूपमा अत्यन्त कठिन परिस्थिती हो,' संयुक्त राष्ट्रसंघको मानवीय कार्यालयकी प्रवक्ता ओल्गा चेरेभ्कोले न्यूयोर्क टाइम्ससँग भनिन्।
त्यसरी पैदल नै फर्किएकी मनाल मुफ्ताहले पनि आफूहरू फर्किए पनि सबै गुमाएको बताइन्।
'हामी फर्कियौं, तर यो सहर अब हाम्रो सहरजस्तो लाग्दैन। हामीले सबै कुरा गुमायौं,' उनले भनिन्।
३३ वर्षीया मनाल युद्धअघि बेकर थिइन्।
'यदि यो युद्धविराम स्थायी भयो भने फेरि व्यवसाय सुरु गर्नेछु, तर पुरानो गाजालाई फिर्ता ल्याउन दशक लाग्न सक्छ,' उनको भनाइ उद्धृत गरेर न्युयोर्क टाइम्सले लेखेको छ।
हेर्नुस् तस्बिरमाः
-1760236582.jpg)
-1760236580.jpg)
-1760236582.jpg)
-1760236582.jpg)
-1760236580.jpg)
-1760236581.jpg)
-1760236582.jpg)
-1760236581.jpg)
-1760236583.jpg)
-1746009348.jpg)
