बाराको सिम्रौनगढमा माटोको ढिस्को खस्दा पुरिएर दुई जनाको मृत्यु भएको छ।
सिम्रौनगढ नगरपालिका वडा नम्बर ६ स्थित इशरा पोखरीको डिलमा घर लिपपोत गर्न माटो खन्ने क्रममा ढिस्को खस्दा पुरिएर अन्य ६ जना घाइते भएका छन् ।
सिम्रौनगढ– ६ सानो इटवालकी ७० वर्षीया शारदादेवी महतो र सिम्रौनगढ नगरपलीका ५ सानो इटवाल बस्ने १५ वर्षीय निरहुवा भनिने सुनिल महतोको मृत्यु भएको हो ।
घटनास्थलबाट उद्धार गरेर उपचारका लागि प्रादेशिक अस्पताल कलैया लैजाँदै गर्दा बाटोमा शारदादेवीको मृत्यु भएको प्रहरीले जनाएको छ ।
सुनिललाई उपचारको लागि कलैयाको मेट्रो अस्पताल पठाइएकोमा चिकित्सकले मृत घोषणा गरेको थियो।
घटनामा सिम्रौनगढ– ६ का १४ वर्षीय साजन महतो, १८ वर्षीय गौतम मुखिया, वडा नं.५ बस्ने १५ वर्षीय नितेश महतो, १४ वर्षीया रानीकुमारी महतो, १४ वर्षीया सुशिला कुमारी महतो र १५ वर्षीय राजाबाबु शर्मा घाइते भएका छन्।
घाइतेहरुको कलैया र सिम्रोनगढ स्थित अस्पतालसरूमा उपचार भइरहेको छ।
घाइतेहरूको अवस्था सामान्य रहेको जानकारी अस्पतालले गराएको जिल्ला प्रहरी कार्यालय बाराका प्रहरी प्रवक्ता एवम् प्रहरी नायब उपरीक्षक बिजयराज पण्डितले जानकारी दिए।
नेपाल प्रहरी, सशस्त्र प्रहरी र स्थानीयको संयुक्त प्रयासमा घाइतेहरूको उद्धार गरिएको थियो ।
-1746009348.jpg)
