प्रहरी महानिरीक्षक (आइजिपी) चन्द्रकुबेर खापुङले तत्कालीन प्रधानमन्त्री केपी शर्मा ओली र गृहमन्त्री रमेश लेखकलाई पक्राउ गर्न दबाब दिए राजीनामा दिन्छु नभनेको बताएका छन्।
शुक्रबार एक विज्ञप्ति जारी गर्दै केन्द्रीय प्रहरी प्रवक्ता एवं डिआइजी विनोद घिमिरेले आइजिपी खापुङले त्यस्तो अभिव्यक्ति नदिएको प्रष्टीकरण दिएका हुन्।
‘प्रहरी महानिरीक्षकज्यूले कहीँकतै त्यस्तो आशय झल्कने अभिव्यक्ति नदिएको जानकारी गराउँदै सम्माननीय प्रधानमन्त्रीज्यू र माननीय गृहमन्त्रीज्यूसँग भएका सुरक्षा बैठक र प्रतिवेदनहरूमा समसामयिक घटनाक्रमहरू वा सोबाट सृजित सुरक्षा चुनौतीहरूको बारेमा विश्लेषण गर्दै शान्ति सु-व्यवस्था कायम गर्ने विषयमा मात्र केन्द्रित भई सौहार्दपूर्ण छलफल गरेको व्यहोरा सम्बन्धित सबैलाई सूचित गरिएको छ,’ विज्ञप्तिमा भनिएको छ।
सोमबार राति गृह मन्त्रालय र बालुवाटारस्थित प्रधानमन्त्री निवासमा ओली र लेखकविरूद्ध जाहेरी दर्ता गर्ने/नगर्ने भन्ने विषयमा छलफल भएको थियो।
छलफलको क्रममा ओली र लेखकलाई राति नै पक्राउ गर्ने सम्मको छलफल भएको थियो। यद्यपि सुरक्षा चुनौती बढ्ने विश्लेषण गरेको थियो।
-ink-1756961396.jpeg)
-1746009348.jpg)
