हरिवन नगरपालिका र बागमती नगरपालिकाको सिमाना भएर बग्ने हरिवन खोलाको बाढीले बृहत् खानेपानी उपभोक्ता समितिको पाइप बगाएको छ।
शनिबार राति नै हरिवन खोलामा आएको बाढीले मुख्य पाइप बगाएपछि खानेपानी सेवा अवरूद्ध भएको छ।
बागमती नगरपालिका वडा नम्बर २ र ३ मा खानेपानी सेवा विस्तार गरिएको मुख्य पाइप बगाएको समितिका अध्यक्ष बसन्त भट्टराइले जानकारी दिए।
भट्टराईका अनुसार पाइप बगाएपछि दुईवटा वडामा बिहानैदेखि खानेपानी वितरण गर्न सकिएको छैन। यसले दुईवटा वडाका १३ सय ५० घरधुरी खानेपानी सेवाबाट वञ्चित भएका छन्। खोलामा बाढी आउने क्रम जारी रहेकाले तत्काल मर्मत गरिहाल्ने अवस्था नरहेको उनको भनाइ छ।
'पानी खुवाउन सकेका छैनौं, बाढीले मर्मत गरिहाल्ने अवस्था पनि छैन,' उनले भने, 'दिउँसो बाढी घट्यो भने मर्मत गर्ने योजना छ। बेलुकीसम्म मर्मत गर्न सकिएन भने ट्यांकरबाट पानी ओसारेर खुवाउनुपर्ने हुन्छ।'
समितिले बागमती नगरपालिका वडा नं. १ आदर्श चोकदेखि उत्तर रहेको ओभरहेड ट्यांकीबाट २३ सय घरधुरीमा खानेपानी सेवा दिइरहेको छ।
-1759633783.jpeg)
-copy-1761394385.jpg)
-1756446574.jpg)
-1746009348.jpg)
